ന്യൂഡല്ഹി: ആദായനികുതി വകുപ്പിന്റെ പരിശോധനയ്ക്കിടെ തങ്ങളുടെ മധ്യമപ്രവർത്തകരെ മണിക്കൂറുകളോളം ജോലി ചെയ്യാൻ അനുവദിച്ചില്ലെന്ന് ബിബിസി. ഉദ്യോഗസ്ഥര് ജീവനക്കാരോട് അപമര്യാദയായി പെരുമാറിയതായും ബിബിസി ആരോപിച്ചു.
ബിബിസി ഹിന്ദി വെബ്സൈറ്റില് പ്രസിദ്ധപ്പെടുത്തിയ ലേഖനത്തിലൂടെയാണ് വിമർശനം ഉന്നയിച്ചത്. ജീവനക്കാരുടെ കമ്പ്യൂട്ടറുകളും മൊബൈല് ഫോണും പിടിച്ചെടുത്തതായും പ്രവര്ത്തനരീതി ചോദിച്ചറിഞ്ഞതായും ലേഖനത്തില് പറയുന്നു.
ജോലി ചെയ്യാന് അനുവദിക്കണമെന്ന് മുതിര്ന്ന എഡിറ്റര്മാര് പലതവണ ആവശ്യപ്പെട്ടിരുന്നെങ്കിലും ഇംഗ്ലീഷ്, ഹിന്ദി വിഭാഗത്തിലുള്ളവരെ ഉദ്യോഗസ്ഥര് അതിന് അനുവദിച്ചില്ല. പ്രക്ഷേപണസമയം അവസാനിച്ചതിനുശേഷം മാത്രമാണ് ഇവരെ ജോലി ചെയ്യാന് അനുവദിച്ചതെന്നും ബിബിസി ആരോപിച്ചു.
മാധ്യമപ്രവര്ത്തകരെ ജോലിചെയ്യാന് അനുവദിച്ചില്ല; ആദായനികുതി റെയ്ഡിനെതിരെ ബിബിസി
06:56 PM Feb 19, 2023 | Deepika.com