പാരീസ്: ലോകമെമ്പാടുമുള്ള മൂന്ന് കുട്ടികളിൽ ഒരാൾക്ക് സ്കൂളിലായിരിക്കുമ്പോൾ ശുദ്ധമായ കുടിവെള്ളം ലഭ്യമല്ലെന്ന് യുഎൻ റിപ്പോർട്ട്. ഇത് കുട്ടികളുടെ ആരോഗ്യത്തെയും പഠന ശേഷിയെയും ബാധിക്കുന്നുവെന്ന് യുനെസ്കോയുടെ പുതിയ റിപ്പോർട്ടിൽ പറയുന്നു.
ലോകമെമ്പാടുമുള്ള മൂന്നിലൊന്ന് സ്കൂളിലും അടിസ്ഥാന ശുചിത്വം പോലുമില്ല. പകുതിയിലേറെ സ്ഥലത്തും വെള്ളവും സോപ്പും ഉപയോഗിച്ച് കൈകഴുകാനുള്ള സൗകര്യമില്ല. കുടിവെള്ളമില്ലാത്ത സ്കൂളുകൾക്ക് വിദ്യാർഥികൾക്ക് ഭക്ഷണം തയാറാക്കാൻ കഴിയില്ല, ഇത് കുട്ടികളുടെ പോഷകാഹാരക്കുറവിന് കാരണമാകുന്നു.
വെള്ളത്തിന്റെ അഭാവം കാരണം ആർത്തവ സമയത്ത് സ്കൂളിൽ പോകാൻ കഴിയാത്ത പെൺകുട്ടികൾ ഏറെയാണ്. ആർത്തവ സമയത്ത് ഭൂട്ടാനിലെ നാലിലൊന്ന് പെൺകുട്ടികൾ സ്കൂളിൽ ഹാജരാകുന്നില്ലെന്നും റിപ്പോർട്ടിൽ പറയുന്നു.
സ്കൂൾ കുട്ടികളിൽ മൂന്നിൽ ഒരാൾക്ക് കുടിവെള്ളം ലഭ്യമല്ല: യുഎൻ
05:51 AM Feb 09, 2023 | Deepika.com