ദോഹ: മുൻ ഇറാൻ പരിശീലകൻ കാർലോസ് ക്വീറോസിനെ ഖത്തർ ഫുട്ബോൾ ടീം പരിശീലകനായി നിയമിച്ചു. ലോകകപ്പിനു പിന്നാലെ പടിയിറങ്ങിയ ഫെലിക്സ് സാഞ്ചസിനു പകരമാണ് ക്വീറോസിനെ പരിശീലകനാക്കിയത്. സാഞ്ചസുമായുള്ള കരാർ ഖത്തർ അവസാനിപ്പിച്ചിരുന്നു.
പോർച്ചുഗീസുകാരനായ ക്വീറോസ് ഇറാനു പുറമേ പോർച്ചുഗൽ, ഈജിപ്ത്, കൊളംബിയ, ദക്ഷിണാഫ്രിക്ക, യുഎഇ എന്നീ ദേശീയ ടീമുകളുടെയും പരിശീലകനായിരുന്നു. സ്പാനിഷ് ലീഗില് റയൽ മഡ്രിഡിനെയും പരിശീലിപ്പിച്ചിട്ടുണ്ട്.
1989ൽ പോർചുഗൽ അണ്ടർ-20 ടീമിനെ യൂത്ത് ലോകകപ്പിലേക്ക് നയിച്ചാണ് ക്വീറോസ് പരിശീലക കരിയറിന് തുടക്കമിട്ടത്. ഇറാൻ മൂന്നു ലോകകപ്പുകളിൽ യോഗ്യത നേടിയത് ക്വീറോസിന്റെ പരിശീലക മികവിലാണ്.
പോർച്ചുഗീസുകാരൻ കാർലോസ് ക്വീറോസ് ഖത്തർ പരിശീലകൻ
04:35 AM Feb 07, 2023 | Deepika.com