കൊച്ചി: ഇന്ത്യന് ക്രിക്കറ്റ് താരം സഞ്ജു വി. സാംസണെ ബ്രാന്ഡ് അംബാസഡറായി പ്രഖ്യാപിച്ച് കേരള ബ്ലാസ്റ്റേഴ്സ് എഫ്സി. പത്രക്കുറിപ്പിലൂടെ ബ്ലാസ്റ്റേഴ്സാണ് ഇക്കാര്യം അറിയിച്ചത്.
മലയാളി താരവും ഐപിഎല്ലില് രാജസ്ഥാന് റോയല്സിന്റെ നായകനുമായ സഞ്ജു, കളത്തിലും പുറത്തും ക്ലബിനെ പ്രതിനിധീകരിക്കുമെന്ന് ബ്ലാസ്റ്റേഴ്സ് പത്രക്കുറിപ്പില് പറയുന്നു.
സഞ്ജു ഒരു ദേശീയ പ്രതീകമാണെന്നും അദ്ദേഹത്തെ കെബിഎഫ്സി കുടുംബത്തിലേക്ക് സ്വാഗതം ചെയ്യുന്നതില് അതിയായ സന്തോഷമുണ്ടെന്നും കേരള ബ്ലാസ്റ്റേഴ്സ് ഡയറക്ടര് നിഖില് ഭരദ്വാജ് പറഞ്ഞു.
താന് എപ്പോഴും ഒരു ഫുട്ബോള് ആരാധകനാണെന്നും, അച്ഛന് ഒരു പ്രഫഷണല് ഫുട്ബോള് കളിക്കാരനായതിനാല് ഫുട്ബോള് എപ്പോഴും ഹൃദയത്തോട് ചേര്ന്നുള്ള ഒരു കായിക വിനോദമാണെന്നും സഞ്ജു സാംസണ് പറഞ്ഞു.
സഞ്ജു സാംസണിന്റെ കളി ഇനി ബ്ലാസ്റ്റേഴ്സിനൊപ്പം..!
07:08 PM Feb 06, 2023 | Deepika.com