ഇസ്താംബുള്: തുര്ക്കിയിലും സിറിയയിലുമുണ്ടായ ശക്തമായ ഭൂചലനത്തില് ഇരുരാജ്യങ്ങളിലുമായി മരിച്ചവരുടെ എണ്ണം 640 കടന്നു. കെട്ടിടാവശിഷ്ടങ്ങള്ക്കിടയില് ഇനിയും നിരവധിപേര് കുടുങ്ങിക്കിടപ്പുണ്ടെന്നാണ് വിവരം. മരണസംഖ്യ ഇനിയും ഉയരുമെന്ന് ആശങ്കയുണ്ട്.
തിങ്കളാഴ്ച പുലര്ച്ചെ 4.17ന് തെക്കുകിഴക്കന് തുര്ക്കിയിലെ ഗാസിയാന്ടെപ്പിന് സമീപമാണ് ഭൂകമ്പമുണ്ടായത്. റിക്ടര് സ്കെയിലില് 7.8 തീവ്രത രേഖപ്പെടുത്തിയ ഭൂചലനത്തില് നിരവധി കെട്ടിടങ്ങളാണ് തകര്ന്നുവീണത്.
അതേസമയം ഭൂകമ്പത്തില് മരിച്ചവരുടെ കുടുംബാംഗങ്ങള്ക്ക് പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി. ദുരന്തത്തില്നിന്ന് കരകയറാന് തുര്ക്കിക്ക് എല്ലാ സഹായവും നല്കുമെന്നും പ്രധാനമന്ത്രി ട്വിറ്ററില് കുറിച്ചു.
തുര്ക്കി, സിറിയ ഭൂചലനം; മരണസംഖ്യ 640 കടന്നു
04:20 PM Feb 06, 2023 | Deepika.com