തിരുവനന്തപുരം: കാട്ടാനകളെ വെടിവെച്ച് കൊല്ലണമെന്ന ഇടുക്കി ഡിസിസി പ്രസിഡന്റ് സി.പി. മാത്യുവിന്റെ പ്രസ്താവനയ്ക്കെതിരേ വനംമന്ത്രി എ.കെ. ശശീന്ദ്രൻ. ഡിസിസി പ്രസിഡന്റിന്റെ പ്രതികരണം പ്രകോപനപരവും നിയമ വാഴ്ചയോടുള്ള വെല്ലുവിളിയുമാണെന്ന് മന്ത്രി പറഞ്ഞു.
വനം കൊള്ളക്കാരുമായി ചങ്ങാത്തമുണ്ടെന്ന് പറയാതെ പറയുകയാണ് സി.പി. മാത്യു. ആനകളെ തുരത്താൻ എല്ലാ നടപടികളും വനംവകുപ്പ് സ്വീകരിച്ചിട്ടുണ്ട്. താൻ വിളിച്ച യോഗത്തിൽ മാത്യുവും പങ്കെടുത്തു തീരുമാനങ്ങൾ അംഗീകരിച്ചതാണെന്നും മന്ത്രി മാധ്യമങ്ങളോട് പറഞ്ഞു.
ആനകളുടെ നെറ്റിക്ക് വെടിവയ്ക്കാനറിയാവുന്നവർ തമിഴ്നാട്ടിലും കർണാടകത്തിലുമുണ്ടെന്നും നടപടികളുണ്ടായില്ലെങ്കിൽ ഇവരെ രംഗത്തിറക്കുമെന്നുമാണ് പാർട്ടി പരിപാടിയിൽ സി.പി. മാത്യു പറഞ്ഞത്. ജില്ലയിൽ വന്യജീവി ആക്രമണം പതിവായ പശ്ചാത്തലത്തിലാണ് പ്രതികരണം.
ആനകളെ വെടിവച്ച് കൊല്ലുമെന്ന ഡിസിസി പ്രസിഡന്റിന്റെ പ്രസ്താവന പ്രകോപനപരം: വനംമന്ത്രി
11:39 AM Feb 05, 2023 | Deepika.com