ദുബായ്: ദുബായിൽ വൻ ലഹരിമരുന്നുവേട്ട. 32 ദശലക്ഷം ദിർഹം വിലവരുന്ന 111 കിലോ ലഹരിമരുന്ന് വിൽക്കാൻ പദ്ധതിയിട്ടിരുന്ന മൂന്നു സംഘങ്ങളെ ദുബായ് പോലീസ് പിടികൂടി. സംഘത്തിന്റെ ഭാഗമെന്ന് കരുതുന്ന വിവിധ രാജ്യക്കാരായ 28 പേരെ അറസ്റ്റ് ചെയ്തതായി അധികൃതർ അറിയിച്ചു.
മൂന്നു വ്യത്യസ്ത പോലീസ് ഓപ്പറേഷനുകളിലായാണ് ഈ വലിയ സംഘത്തെ പിടികൂടിയത്. 99 കിലോ കാപ്റ്റഗൺ ഗുളിക, 12 കിലോ ക്രിസ്റ്റൽ മെത്, ഹെറോയിൻ, കഞ്ചാവ് എന്നിവയാണ് ഇവരിൽ നിന്ന് പിടിച്ചത്. ക്യാപ്റ്റഗൺ ഗുളികകൾക്ക് മാത്രം 31 ദശലക്ഷം ദിർഹം വിലയുണ്ടെന്ന് പോലീസ് പറഞ്ഞു.
ദുബായിൽ വൻ ലഹരിമരുന്നുവേട്ട; 28 പേർ അറസ്റ്റിൽ
05:32 AM Feb 04, 2023 | Deepika.com