തിരുവനന്തപുരം: സംസ്ഥാനത്തെ ഹെല്ത്ത് ഹബ്ബാക്കി മാറ്റുമെന്ന് ധനമന്ത്രി കെ.എന്.ബാലഗോപാല്. പൊതുജനാരോഗ്യത്തിനായി ബജറ്റില് 2828.33 കോടി രൂപ നീക്കി വച്ചതായി മന്ത്രി അറിയിച്ചു. മുന് വര്ഷത്തേക്കാള് 196.6 കോടി രൂപ അധികമാണിത്.
കാരുണ്യ മിഷന് 574 കോടി അനുവദിച്ചു. ആയൂര്വേദ, സിദ്ധ, യുനാനി മേഖലയ്ക്ക് 49 കോടിയും ഹോമിയോയ്ക്ക് 25 കോടിയും നീക്കി വച്ചു.
പേ വിഷത്തിനെതിരെ സംസ്ഥാനത്ത് തദ്ദേശീയ വാക്സീന് നിര്മിക്കും. ഇതിനായി 5 കോടി രൂപ വകയിരുത്തി.
എല്ലാ ജില്ലാ ആശുപത്രികളിലും കാന്സര് ചികിത്സ കേന്ദ്രങ്ങള് ഒരുക്കുമെന്നും മന്ത്രി അറിയിച്ചു.
കേരളത്തെ ഹെല്ത്ത് ഹബ്ബാക്കി മാറ്റും: ധനമന്ത്രി
11:05 AM Feb 03, 2023 | Deepika.com