കൊച്ചി: ലൈംഗിക പീഡന കേസിൽ സിനിമാ നിര്മാതാവ് അറസ്റ്റിൽ. സിനിമാ നിര്മാതാവും വ്യവസായിയുമായ മാര്ട്ടിന് സെബാസ്റ്റ്യൻ ആണ് അറസ്റ്റിലായത്. തൃശൂര് സ്വദേശിനിയായ യുവതിയുടെ പരാതിയിൽ കൊച്ചി സെന്ട്രല് പോലീസ് ആണ് ഇയാളെ അറസ്റ്റ് ചെയ്തത്.
സിനിമയില് അവസരവും വിവാഹവാഗ്ദാനവും നല്കി 15 വർഷത്തോളം പീഡിപ്പിച്ചെന്നാണ് പരാതി. കഴിഞ്ഞ ഡിസംബറിലാണ് കേസ് രജിസ്റ്റര് ചെയ്തത്. വയനാട്, മുംബൈ, തൃശൂര്, ബംഗളൂരു എന്നിവിടങ്ങളില് എത്തിച്ച് പീഡിപ്പിച്ചെന്നും 78,60,000 രൂപയും 80 പവന് സ്വര്ണവും തട്ടിയെടുത്തുവെന്നും യുവതി പരാതിയിൽ പറയുന്നു.
യുവതി പോലീസില് പരാതി നല്കുമെന്നു വന്നതോടെ ഏഴു പോലീസ് സ്റ്റേഷന് പരിധികളിലുള്ള സെഷന്സ് കോടതികളിലും കേരള ഹൈക്കോടതിയിലും ഹര്ജി നല്കി മുന്കൂര് ജാമ്യം നേടിയിരുന്നു ഇയാള്. കഴിഞ്ഞയാഴ്ച മാര്ട്ടിന് ഹൈക്കോടതി മുന്കൂര് ജാമ്യം അനുവദിച്ചെങ്കിലും അന്വേഷണ ഉദ്യോഗസ്ഥര്ക്കു മുമ്പാകെ ഹാജരാകാന് നിര്ദേശിച്ചു. തുടര്ന്നു കഴിഞ്ഞ ദിവസം ഹാജരായി ചോദ്യം ചെയ്യലിനു വിധേയനായി. ഇന്നു വീണ്ടും ഹാജരായപ്പോഴാണ് അറസ്റ്റ് രേഖപ്പെടുത്തിയത്.
ലൈംഗിക പീഡന കേസിൽ സിനിമാ നിര്മാതാവ് അറസ്റ്റിൽ
04:42 PM Feb 02, 2023 | Deepika.com