ഇസ്ലാമാബാദ്: ഭീകരതയുടെ വിത്ത് വിതച്ചത് പാക്കിസ്ഥാനാണെന്ന് ഏറ്റുപറഞ്ഞ് പാക് പ്രതിരോധ മന്ത്രി ഖവാജ ആസിഫ്. പെഷവാറിൽ 100 പേർ കൊല്ലപ്പെട്ട സ്ഫോടനത്തിനു പിന്നാലെയായിരുന്നു മന്ത്രിയുടെ പ്രസ്താവന. ദേശീയ അസംബ്ലിയിലാണ് മന്ത്രിയുടെ പ്രതികരണം.
ഇതിന്റെ തുടക്കത്തെ കുറിച്ച് ഹ്രസ്വമായി പറയാം. നമ്മളാണ് ഭീകരവാദത്തിന്റെ വിത്ത് പാകിയത്. വിശ്വാസികൾ പ്രാർഥന നടത്തുമ്പോൾ ഇന്ത്യയിലോ ഇസ്രയേലിലോ കൊല്ലപ്പെടുന്നില്ല. എന്നാൽ പാക്കിസ്ഥാനിൽ അത് സംഭവിക്കുന്നു.
മുഴുവൻ രാജ്യവും ഭീകരതയ്ക്കെതിരെ ഒന്നിക്കേണ്ടതുണ്ട്, എങ്കിൽ മാത്രമേ അതിനെതിരെ പോരാടാനാകൂ. വിലപ്പെട്ട ജീവനെടുക്കാൻ മതത്തെ ഭീകരവാദം ഉപയോഗിക്കുകയാണെന്നും പാക് മന്ത്രി പറഞ്ഞു.
ഭീകരതയുടെ വിത്ത് വിതച്ചത് നമ്മൾ: ഏറ്റുപറഞ്ഞ് പാക് മന്ത്രി
07:29 PM Feb 01, 2023 | Deepika.com