വലെൻസിയ: സ്പാനിഷ് ലാ ലിഗയിൽ തുടർതോൽവികളിൽ ഉഴറുന്ന വലെൻസിയ മുഖ്യ പരിശീലകൻ ഗെന്നാരോ ഗട്ടുസോയെ പുറത്താക്കി. റയൽ വല്ലലോയിഡിനോട് തോറ്റ് തൊട്ടടുത്ത ദിവസമാണ് പരിശീലകനെ പുറത്താക്കുന്നതായി ക്ലബ് അറിയിച്ചത്.
ഏകപക്ഷീയമായ ഒരു ഗോളിനാണ് റയൽ വല്ലലോയിഡ് വലെൻസിയയെ തോൽപ്പിച്ചത്. ഈ തോൽവിയോട് 18 കളികളിൽ നിന്ന് 20 പോയിന്റുമായി പട്ടികയിൽ 14-ാം സ്ഥാനത്താണ് വലെൻസിയ. ഈ സീസണിൽ അഞ്ച് ജയം മാത്രമാണ് ടീമിന് നേടാനായത്.
വലെൻസിയുടെ പരിശീലക സ്ഥാനത്ത് ഏഴു മാസം പിന്നിടുമ്പോഴാണ് മുൻ ഇറ്റാലിയൻ താരം കൂടിയായ ഗട്ടുസോയ്ക്ക് പുറത്തേക്കുള്ള വഴി തെളിയുന്നത്. കഴിഞ്ഞ മൂന്നു വർഷത്തിനിടെ വലെൻസിയയുടെ പരിശീലകനായ നാലാമത്തെ മാനേജരാണ് ഗട്ടുസോ.
2006ൽ ഇറ്റലി ലോകകപ്പ് നേടിയപ്പോൾ ടീമംഗമായിരുന്നു ഗട്ടുസോ.
തുടരെ തോൽവി; കോച്ച് ഗട്ടുസോയെ പുറത്താക്കി വലെൻസിയ
05:22 AM Jan 31, 2023 | Deepika.com