ഉത്തരവിന്റെ ചൂടാറും മുൻപെ; ഹുറിയത് ഓഫീസ് എൻഐഎ ഏറ്റെടുത്തു
04:57 PM Jan 29, 2023 | Deepika.com
ശ്രീനഗർ: യുഎപിഎ കേസിൽ ജമ്മുകാഷ്മീരിലെ ശ്രീനഗറിലുള്ള ഹുറിയത് കോൺഫറൻസ് ഓഫീസ് എൻഐഎ ഏറ്റെടുത്തു. ഡൽഹി കോടതിയുടെ ഉത്തരവിനെ തുടർന്നായിരുന്നു നടപടി. ശ്രീനഗറിലെ രാജ്ബാഗിലുള്ള ഓഫീസാണ് ദേശീയ അന്വേഷണ ഏജൻസി ഉദ്യോഗസ്ഥർ കണ്ടുകെട്ടിയത്. വിഘടനവാദി നേതാവ് നയീം അഹമ്മദ് ഖാനെതിരായ യുഎപിഎ കേസിലാണ് ഡൽഹി കോടതി ഹുറിയത് ഓഫീസ് ഏറ്റെടുക്കാൻ ഉത്തരവിട്ടത്. പട്യാല ഹൗസ് കോടതി അഡീഷണൽ സെഷൻസ് ജഡ്ജി ഷൈലേന്ദർ മാലികിന്റേതാണ് ഉത്തരവ്. കാഷ്മീരിലെ വിഘടനവാദി സംഘടനകളുടെ ഏകോപന സമിതിയാണ് ഹുറിയത്.