കണ്ണൂർ: കിണറ്റില് വീണ പൂച്ചയെ രക്ഷിക്കാന് ശ്രമിക്കുന്നതിനിടെ ഗൃഹനാഥന് കിണറ്റില് വീണ് മരിച്ചു. കണ്ണൂർ കേളകം സ്റ്റേഷന് പരിധിയിലെ കണിച്ചാറിലാണ് സംഭവം. ചാണപ്പാറയിലെ കാക്കശേരി ഷാജി (48) ആണ് മരിച്ചത്.
വീട്ടുകിണറ്റിൽ വീണ പൂച്ചയെ കയറിൽ കെട്ടി കരയ്ക്ക് എത്തിച്ച് തിരിച്ച് കയറുന്നതിനിടെ കയർ പൊട്ടി കിണറ്റിലേക്ക് വീഴുകയായിരുന്നു. ഭാര്യയുടെ നിലവിളി കേട്ട് എത്തിയ നാട്ടുകാര് ഷാജിയെ പുറത്തെടുത്ത് ഉടന് പേരാവൂര് താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കിണറ്റിൽ വീണ പൂച്ചയെ രക്ഷിക്കാൻ ഇറങ്ങി; കയര്പൊട്ടിവീണ് ഗൃഹനാഥന് മരിച്ചു
12:02 PM Jan 29, 2023 | Deepika.com