സിയാറ്റിൽ: അമേരിക്കയിലെ സിയാറ്റിലിൽ പോലീസ് പട്രോളിംഗ് വാഹനം തട്ടി ആന്ധ്ര പ്രദേശ് സ്വദേശിനിയായ വിദ്യാർഥി മരിച്ചു. നോർത്ത്ഈസ്റ്റേൺ സർവകലാശാലയിലെ വിദ്യാർഥിയായ കർണൂൽ സ്വദേശിനി ജാനവി കന്ദുല(23) ആണ് മരിച്ചത്.
തിങ്കളാഴ്ച രാത്രി എട്ടിന്(അമേരിക്കൻ സമയം) ആണ് അപകടം സംഭവിച്ചത്. എമർജൻസി റെസ്പോൺസിനായി കുതിക്കുകയായിരുന്ന സിയാറ്റിൽ പോലീസിന്റെ കാർ സൗത്ത് ലേക്ക് യൂണിയൻ മേഖലയിൽ വച്ച് ജാനവിയെ ഇടിക്കുകയായിരുന്നു.
ഡെക്സ്റ്റർ നോർത്ത് അവന്യുവിലെ സീബ്രാ വരയിലൂടെ റോഡ് മുറിച്ച് കടക്കുകയായിരുന്ന ജാനവിയുടെ ദേഹത്തേക്ക് കുതിച്ചെത്തിയ വാഹനം ശക്തിയിൽ ഇടിക്കുകയായിരുന്നു. ഗുരുതരമായി പരിക്കേറ്റ യുവതിയെ ഹാർബർവ്യൂ മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
അമേരിക്കയിൽ പോലീസ് വാഹനം തട്ടി ഇന്ത്യൻ വിദ്യാർഥിനി മരിച്ചു
08:24 PM Jan 26, 2023 | Deepika.com