കോട്ടയം: കെ.ആർ. നാരായണൻ നാഷണൽ ഇൻസ്റ്റിറ്റ്യൂട്ട് ഓഫ് വിഷ്വൽ സയൻസ് ആൻഡ് ആർട്സ് ഡയറക്ടറായി ഷിബു എബ്രഹാമിനെ നിയമിച്ച് സർക്കാർ. നിലവിൽ ഇൻസ്റ്റിറ്റ്യൂട്ടിലെ ഫിനാൻസ് ഓഫീസറായി സേവനമനുഷ്ഠിക്കുന്ന ഷിബുവിന് ഡയറക്ടറുടെ താൽക്കാലിക ചുമതല നൽകിയതായി ഉന്നത വിദ്യാഭ്യാസ മന്ത്രി ആർ. ബിന്ദു വ്യക്തമാക്കി.
പുതിയ ഭരണസമിതിയെ നിയമിക്കും വരെ ഇൻസ്റ്റിറ്റ്യൂട്ടിന്റെ ദൈനംദിന, ഓഫീസ് ചുമതലകൾ നിർവഹിക്കുന്നതിനാണ് താൽക്കാലിക ഡയറക്ടറെ നിയമിക്കുന്നതെന്ന് സർക്കാർ അറിയിച്ചു.
ജാതിവിവേചനമടക്കം നിരവധി ആരോപണങ്ങൾ നേരിട്ട ശങ്കർ മോഹൻ സ്ഥാനം ഒഴിഞ്ഞതിന് പിന്നാലെയാണ് ഈ നടപടി. ശങ്കർ മോഹന് പിന്തുണയുമായി ഇൻസ്റ്റിറ്റ്യൂട്ടിലെ ഡീൻ പദവി വഹിക്കുന്ന ഏഴ് അധ്യാപകർ രാജി സമർപ്പിച്ചിരുന്നു.
ഫിലിം ഇന്സ്റ്റിറ്റ്യൂട്ടിന് താൽക്കാലിക ഡയറക്ടറെ നിയമിച്ച് സർക്കാർ
06:48 PM Jan 24, 2023 | Deepika.com