കലിഫോർണിയ: ടെക് ഭീമൻമാരായ ഗൂഗിളും കൂട്ടപ്പിരിച്ചുവിടലിന്. 12,000 ജീവനക്കാരെ പിരിച്ചുവിടുമെന്ന് ഗൂഗിൾ മാതൃസ്ഥാപനമായ ആൽഫബെറ്റ് അറിയിച്ചു. ആകെ ജീവനക്കാരുടെ ആറ് ശതമാനത്തെയാണ് പറഞ്ഞുവിടുന്നത്.
സാമ്പത്തിക മേഖലയിലെ മാറ്റം സാധ്യത മുൻനിർത്തിയാണ് തീരുമാനമെന്ന് സിഇഒ സുന്ദർ പിച്ചെ പറഞ്ഞു. ഇന്ന് അഭിമുഖീകരിക്കുന്നതിനേക്കാൾ വ്യത്യസ്തമായ സാമ്പത്തിക പ്രതിസന്ധിയെ മറികടക്കാനുള്ള ശ്രമമാണ്. ഈ തീരുമാനത്തിന്റെ പൂർണ ഉത്തരവാദിത്തം താൻ ഏറ്റെടുക്കുന്നതായും അദ്ദേഹം പറഞ്ഞു.
പിരിച്ചുവിടൽ തീരുമാനം ആദ്യം യുഎസിലാകും നടപ്പാക്കുക. പിന്നാലെ മറ്റ് രാജ്യങ്ങളിലും നടപ്പാക്കും. പിരിച്ചുവിടുന്ന ജീവനക്കാർക്ക് ഇതിനകം തന്നെ ആൽഫബെറ്റ് നോട്ടീസ് അയച്ചിട്ടുണ്ട്. പ്രാദേശിക തൊഴിൽ നിയമങ്ങളുടെ സാങ്കേതികത്വം മൂലമാണ് മറ്റ് രാജ്യങ്ങളിൽ പിരിച്ചുവിടലിന് കാലതാമസം എടുക്കുന്നതെന്നാണ് അറിയുന്നത്.
ഗൂഗിളും കൂട്ടപ്പിരിച്ചുവിടലിന്; 12,000 ജീവനക്കാർക്ക് പണിപോകും
09:24 PM Jan 20, 2023 | Deepika.com