തിരുവനന്തപുരം: കെ.വി. തോമസ് സിപിഎം-സംഘപരിവാർ ഇടനിലക്കാരനെന്ന് പ്രതിപക്ഷ നേതാവ് വി.ഡി. സതീശൻ. തോമസിന്റെ ഡൽഹി, ബംഗളൂരു യാത്ര പരിശോധിച്ചാൽ സംഘപരിവാർ ബന്ധം മനസിലാകുമെന്നും അദ്ദേഹം പറഞ്ഞു.
ഡൽഹിയിൽ കേരളത്തിന്റെ പ്രത്യേക പ്രതിനിധി തസ്തിക എന്തിനെന്ന് സതീശൻ ചോദിച്ചു. സമ്പത്തിനെ നിയമിച്ചപ്പോൾ എന്ത് പ്രയോജനമുണ്ടായി. സംസ്ഥാനത്തിന് എന്ത് ഗുണമുണ്ടായി? തോമസിന്റെ നിയമനം രാഷ്ട്രീയ ഉദ്ദേശത്തോടെയാണെന്നും സതീശൻ ആരോപിച്ചു. സംസ്ഥാനം സാമ്പത്തിക പ്രതിസന്ധി നേരിടുമ്പോഴാണ് നിയമനമെന്നും പ്രതിപക്ഷനേതാവ് കുറ്റപ്പെടുത്തി.
ഡൽഹിയിൽ കേരളാ സർക്കാറിന്റെ പ്രതിനിധിയായി കാബിനറ്റ് റാങ്കോടെ കെ.വി. തോമസിനെ നിയമിക്കാനാണ് മന്ത്രിസഭായോഗം തീരുമാനിച്ചത്. നേരത്തെ, മുൻ എംപി എ. സമ്പത്തിനെ സംസ്ഥാനത്തിന്റെ പ്രതിനിധിയായി സർക്കാർ നിയമിച്ചിരുന്നു.
കെ.വി. തോമസ് സിപിഎം-സംഘപരിവാർ ഇടനിലക്കാരൻ: പ്രതിപക്ഷ നേതാവ്
05:50 PM Jan 19, 2023 | Deepika.com