കോട്ടയം: പാലാ നഗരസഭാ ചെയര്മാന് തെരഞ്ഞെടുപ്പില് പങ്കെടുക്കാന് കറുത്ത ഷര്ട്ട് ധരിച്ച് പ്രതിഷേധവുമായി സിപിഎം കൗണ്സിലര് ബിനു പുളിക്കകണ്ടം. ഇന്നു രാവിലെ 10.30ന് പാലാ നഗരസഭ ഹാളിലേക്കാണ് കറുത്ത ഷര്ട്ട് ധരിച്ച് ബിനു എത്തിയത്.
പ്രതിഷേധ സൂചകമായിട്ടല്ല കറുത്ത ഷര്ട്ട് ധരിച്ചത്. കറുത്ത ഷര്ട്ടാണ് കൈയില് കിട്ടിയത് അതു ധരിക്കുകയായിരുന്നു. കറുത്ത ഷര്ട്ട് ധരിക്കുന്നതില് പാര്ട്ടിക്ക് എതിര്പ്പില്ല, വോട്ടിംഗിനു ശേഷം പ്രതികരിക്കാമെന്നും ബിനു ദീപികയോടു പറഞ്ഞു.
തെരഞ്ഞെടുപ്പിനു ശേഷം ജോസ്.കെ.മാണിക്ക് തുറന്ന കത്ത് നല്കുമെന്നും ബിനു പ്രതികരിച്ചു.
കേരളാ കോണ്ഗ്രസ് എമ്മിന്റെ എതിര്പ്പിനെ തുടര്ന്ന് പുളിക്കകണ്ടത്തെ ഒഴിവാക്കി സിപിഎം സ്വതന്ത്ര കൗണ്സിലര് ജോസിന് ബിനോയെ മത്സരിപ്പിക്കാന് പാര്ട്ടി തീരുമാനിച്ചിരുന്നു. ഇതിന് പിന്നാലെ വെള്ള വസ്ത്രം മാറി കറുത്ത ഷര്ട്ട് ധരിച്ച് ബിനു നഗരസഭ ഹാളിലേക്ക് നീങ്ങുകയായിരുന്നു.
പാലായില് കറുപ്പണിഞ്ഞ് പ്രതിഷേധവുമായി ബിനു പുളിക്കകണ്ടം
12:04 PM Jan 19, 2023 | Deepika.com