വയനാട്: കടുവയുടെ ആക്രമണം തുടരുന്ന സാഹചര്യത്തിൽ വയനാട്ടിൽ വനം മന്ത്രി എ.കെ.ശശീന്ദ്രന്റെ അധ്യക്ഷതയിൽ സർവകക്ഷി യോഗം തുടങ്ങി. കളക്ടർ, വനം വകുപ്പ് ഉദ്യോഗസ്ഥർ, രാഷ്ട്രീയ പാർട്ടി പ്രതിനിധികൾ എന്നിവരാണ് യോഗത്തിൽ പങ്കെടുക്കുന്നത്.
കർഷകർക്ക് നൽകേണ്ട നഷ്ടപരിഹാര തുക വർദ്ധിപ്പിക്കൽ, വന്യമൃഗങ്ങളുടെ ആക്രമണങ്ങൾ പരിഹരിക്കൽ തുടങ്ങിയ വിഷയങ്ങളാണ് ചർച്ചയിലുള്ളത്. കടുവയുടെ ആക്രമണത്തിൽ കൊല്ലപ്പെട്ട തോമസിന്റെ കുടുംബാംഗങ്ങളെ വനം മന്ത്രി യോഗത്തിന് ശേഷം സന്ദർശിക്കും.
മാനന്തവാടി പിലാക്കാവിലും അന്പലമുടി പൊൻമുടിക്കോട്ടയിലുമാണ് കടുവഭീതി നിലനിൽക്കുന്നത്. പിലാക്കാവിൽ കടുവയെ പിടികൂടുന്നതിനായി കൂട് സ്ഥാപിച്ചിട്ടുണ്ട്.
കടുവ ആക്രമണം; വയനാട്ടിൽ സർവകക്ഷി യോഗം തുടങ്ങി
11:16 AM Jan 16, 2023 | Deepika.com