തേവയ്ക്കല്: എറണാകുളം തേവയ്ക്കലില് ഫുട്ബോള് ഗ്രൗണ്ടില് കുട്ടികള് തമ്മിലുണ്ടായ തര്ക്കത്തിനിടെ 11കാരനെ തല്ലിച്ചതച്ച സുഹൃത്തിന്റെ അമ്മയ്ക്കെതിരെ പോലീസ് കേസെടുത്തു. തേവയ്ക്കല് സ്വദേശി സുനിത അഫ്സലിനെതിരെയാണ് കേസെടുത്തത്.
തേവയ്ക്കല് കൊളോട്ടി മൂല മൈതാനത്ത് വച്ചാണ് സംഭവം. കളിക്കുന്നതിനിടെ സുനിതയുടെ മകനും സഹദ് എന്ന കുട്ടിയും തമ്മില് തര്ക്കമുണ്ടായി. വിഷയത്തില് ഇടപെട്ട ഇവര് ആറാം ക്ലാസ് വിദ്യാര്ഥിയായ സഹദിനെ ക്രൂരമായി തല്ലിച്ചതയ്ക്കുകയായിരുന്നു.
പരിക്കേറ്റ കുട്ടി കളമശേരി മെഡിക്കല് കോളജില് ചികിത്സയിലാണ്. മര്ദനത്തില് കുട്ടിയുടെ ദേഹത്ത് ചതവുണ്ട്.
കുട്ടിയുടെ പിതാവിന്റെ പരാതിയിലാണ് സുനിതയ്ക്കെതിരെ തൃക്കാക്കര പോലീസ് കേസെടുത്തത്.
കുട്ടികള്ക്കിടയിലെ തര്ക്കം: 11കാരനെ തല്ലിച്ചതച്ച് സുഹൃത്തിന്റെ അമ്മ; കേസെടുത്തു
09:03 AM Jan 14, 2023 | Deepika.com