തിരുവനന്തപുരം: ഉന്നതവിദ്യാഭ്യാസ മേഖലയിൽ വിദേശനിക്ഷേപം ആകാമെന്ന് എൽഡിഎഫ് കൺവീനർ ഇ.പി. ജയരാജൻ. കാലത്തിനനുസരിച്ചുള്ള മാറ്റമാണിതെന്നും അദ്ദേഹം പറഞ്ഞു. ഇടത് മുന്നണി യോഗത്തിനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
വിദ്യാഭ്യാസ മേഖലയിൽ വിദേശനിക്ഷേപമാകാമെന്ന് കേന്ദ്രം തന്നെയാണ് പറഞ്ഞത്. വിദ്യാഭ്യാസ വികസനത്തിന് ഗുണമാകുന്ന എന്തിനെയും സ്വാഗതം ചെയ്യും. എന്നാല് ദോഷകരമാണ് എന്ന് കണ്ടാല് അതിനെ എതിര്ക്കും. ഇത് നയംമാറ്റമല്ലെന്നും കാലത്തിനനുസരിച്ചുള്ള മാറ്റമാണെന്നും ഇ.പി. ജയരാജൻ പറഞ്ഞു.
നേരത്തെ സിപിഎം ഉന്നതവിദ്യാഭ്യാസ മേഖലയിലെ വിദേശനിക്ഷേപത്തെ എതിർത്തിരുന്നു. ഇടത് വിദ്യാർഥി സംഘടനകളും ശക്തമായ സമരമാണ് ഉയർത്തിയത്. എന്നാൽ കഴിഞ്ഞ സിപിഎം സംസ്ഥാന സമ്മേളനത്തില് അവതരിപ്പിച്ച വികസന രേഖയില് ഉന്നത വിദ്യാഭ്യാസ മേഖലയില് സ്വകാര്യ നിക്ഷേപം സ്വീകരിക്കാമെന്ന് പറഞ്ഞിരുന്നു.
ഉന്നതവിദ്യാഭ്യാസ മേഖലയിൽ വിദേശനിക്ഷേപം ആകാം: ഇടത് തിരിഞ്ഞ് വലത്ത്
07:06 PM Jan 13, 2023 | Deepika.com