കാസര്ഗോഡ്: എന്മകജെ കാട്ടുകുക്കെയില് പന്നികളെ ബാധിക്കുന്ന വൈറസ് രോഗമായ ആഫ്രിക്കന് സ്വൈൻ ഫീവര് രോഗം സ്ഥിരീകരിച്ചതായി ജില്ലാ മൃഗസംരക്ഷണ ഓഫീസര് അറിയിച്ചു.
കാട്ടുകുക്കെയിലെ കര്ഷകനായ മനു സെബാസ്റ്റ്യന്റെ പന്നിഫാമിലാണ് രോഗം സ്ഥിരീകരിച്ചത്. അഞ്ചു ദിവസം മുമ്പ് ഫാമിലുള്ള പന്നികള് കൂട്ടത്തോടെ ചത്തതോടെയാണ് മൃഗസംരക്ഷണ വകുപ്പ് പരിശോധന നടത്തിയത്.
ഇവിടെ ചത്ത പന്നിയെ പോസ്റ്റ്മോര്ട്ടം നടത്തി സാമ്പിളുകള് ശേഖരിച്ച് ഭോപ്പാലിലെ ഹൈ സെക്യൂരിറ്റി ലാബിലേക്ക് അയക്കുകയും പന്നിപ്പനിയാണെന്ന് സ്ഥിരീകരിക്കുകയും ചെയ്യുകയായിരുന്നു. നിലവില് ഈ ഫാമില് 532 പന്നികളാണുള്ളത്.
അതേസമയം, രോഗവ്യാപനം തടയുന്നതിന് അടിയന്തര പ്രതിരോധ നടപടികള് സ്വീകരിക്കുമെന്ന് ജില്ലാ കളക്ടറുടെ ചുമതല വഹിക്കുന്ന എഡിഎം എ.കെ. രാമേന്ദ്രന് അറിയിച്ചു.
കാസര്ഗോട്ട് ആഫ്രിക്കന് പന്നിപ്പനി സ്ഥിരീകരിച്ചു
03:59 AM Jan 12, 2023 | Deepika.com