ന്യൂഡൽഹി: ബിജെപിക്ക് എതിരെ പ്രതിപക്ഷ പാർട്ടികളെ ഒരുമിപ്പിച്ചു നിർത്തുകയെന്നത് വലിയ വെല്ലുവിളിയാണെന്ന് സിപിഎം ജനറൽ സെക്രട്ടറി സീതാറാം യെച്ചൂരി. പല സംസ്ഥാനങ്ങളിലും പ്രാദേശിക പാർട്ടികൾ പ്രധാന എതിരാളിയായി കാണുന്നത് കോണ്ഗ്രസിനെയാണ്. ഈ സാചര്യത്തിൽ പ്രതിപക്ഷത്തിന് ഒരു പൊതു പ്രധാനമന്ത്രി സ്ഥാനാർത്ഥി എന്നത് സാധ്യമല്ലെന്നും യെച്ചൂരി പറഞ്ഞു.
ഇന്ത്യൻ രാഷ്ട്രീയത്തിൽ കോണ്ഗ്രസിന് സ്വാധീനം നഷ്ടപ്പെടുകയാണ്. കഴിഞ്ഞ രണ്ട് പൊതു തിരഞ്ഞെടുപ്പിലും കോണ്ഗ്രസിന് രണ്ട ക്കം പിന്നിടാൻ കഴിഞ്ഞിട്ടില്ല. സീറ്റുകളുടെ എണ്ണമാണ് രാഷ്ട്രീയ പാർട്ടികളുടെ വിലപേശൽ ശക്തി വർധിപ്പിക്കുന്നത്.
എന്നാൽ, പ്രാദേശിക പാർട്ടികൾക്ക് മുന്നിൽ നിരവധി പ്രതിസന്ധികളുണ്ട്. കൂടുതൽ സീറ്റ് നേടുക എന്നത് ഇത്തരം പാർട്ടികൾക്ക് മുന്നിലെ വെല്ലുവിളികളാണ്. തിരഞ്ഞെടുപ്പിന് ശേഷമുള്ള സഖ്യ ചർച്ചകൾ മുന്നോട്ട് കൊണ്ടു പോകാൻ കോണ്ഗ്രസ് കൂടുതൽ സീറ്റിൽ വിജയം കണ്ടെത്തേണ്ട സാഹചര്യം നിലവിലുണ്ടെ ന്നും യെച്ചൂരി ചൂണ്ടിക്കാട്ടുന്നു.
പ്രതിപക്ഷ പാർട്ടികളെ ഒരുമിപ്പിക്കുന്നത് വെല്ലുവിളി: സീതാറാം യെച്ചൂരി
09:14 PM Jan 10, 2023 | Deepika.com