തിരുവനന്തപുരം: സംസ്ഥാന രാഷ്ട്രീയത്തിൽ സജീവമാകുമെന്ന് കോണ്ഗ്രസ് എംപി ശശി തരൂർ. നിയമസഭ തെരഞ്ഞെടുപ്പിൽ മത്സരിക്കാൻ താത്പര്യമുണ്ട്. കേരളത്തിൽ പ്രവർത്തിക്കണമെന്ന് എല്ലാവരും ആവശ്യപ്പെടുന്നുണ്ട്. എല്ലാവരും ആവശ്യപ്പെടുന്പോൾ എങ്ങനെ പറ്റില്ലെന്ന് പറയുമെന്നും ശശി തരൂർ പറഞ്ഞു.
ഓർത്തഡോക്സ് സഭാ ആസ്ഥാനമായ ദേവലോകം അരമനയിൽ സന്ദർശനം നടത്തിയ ശേഷം മാധ്യമങ്ങളോട് സംസാരിക്കവെയാണ് തരൂർ ഇക്കാര്യം അറിയിച്ചത്.
തന്റെ മനസിലോ പ്രവൃത്തിയിലോ ജാതിയില്ലെന്നും കേരളത്തിൽ സജീവമാകണമെന്ന ഓർത്തഡോക്സ് സഭാ പരമാധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായുടെ ഉപദേശം ബഹുമാനത്തോടെ കാണുന്നുവെന്നും തരൂർ കൂട്ടിച്ചേർത്തു.
സംസ്ഥാനത്ത് സജീവമാകുമെന്നു ശശി തരൂർ
09:44 PM Jan 09, 2023 | Deepika.com