പാറ്റ്ന: ഡല്ഹിയില് നിന്ന് പാറ്റ്നയിലേക്ക് പോയ ഇന്ഡിഗോ വിമാനത്തില് മദ്യപസംഘത്തിന്റെ അക്രമം. ഞായറാഴ്ച വൈകിട്ട് 7ന് ഡല്ഹിയില് നിന്ന് പുറപ്പെട്ട വിമാനത്തിലാണ് സംഭവം.
മദ്യപിച്ച ശേഷം വിമാനത്തില് കയറിയ മൂന്ന് പേര് ബഹളം വയ്ക്കുകയായിരുന്നു. ക്യാബിന് ക്രൂ ഇടപെട്ടതോടെ അവരോടും അപമര്യാദയായി പെരുമാറി. പൈലറ്റ് താക്കീത് നല്കിയിട്ടും ഇവര് ബഹളം തുടരുകയായിരുന്നു.
8.55ന് വിമാനം പാറ്റ്നയിലെത്തിയ ഉടനെ രണ്ട് പേരെ സിഐഎസ്എഫിന് കൈമാറി. ഒരാള് രക്ഷപെട്ടതായാണ് വിവരം.
വിമാനക്കമ്പനി ഇക്കാര്യം സ്ഥിരീകരിച്ചിട്ടുണ്ട്. പോലീസിൽ പരാതി നല്കിയെന്നും ഇന്ഡിഗോ അറിയിച്ചു.
ഡല്ഹി-പാറ്റ്ന വിമാനത്തില് മദ്യപസംഘത്തിന്റെ അക്രമം; രണ്ട് പേര് പിടിയില്
11:08 AM Jan 09, 2023 | Deepika.com