ബ്രസീലിയ: ബ്രസീലിയൻ ഫുട്ബോൾ താരം റോബർട്ടോ ഡൈനാമിറ്റ് (68) അന്തരിച്ചു. അർബുദത്തെ തുടർന്നു ചികിത്സയിലായിരുന്നു. ബ്രസീലിയൻ ലീഗ് ചരിത്രത്തിലെ ടോപ് സ്കോററാണ് റോബർട്ടോ.
ഡൈനാമിറ്റ് എന്ന കാർലോസ് റോബർട്ടോ ഡി ഒലിവേര 29 വർഷം കളിക്കാരനായും പ്രസിഡന്റായും ക്ലബിനായി പ്രവർത്തിച്ചു. ഡ്യൂക്ക് ഡി കാക്സിയസിൽ ജനിച്ച ഡൈനാമിറ്റ് വാസ്കോഡ ഗാമയുടെ യൂത്ത് സ്ക്വാഡിലൂടെയാണ് ഫുഡ്ബോൾ ലോകത്തേയ്ക്ക് കടന്നു വരുന്നത്. 1971നും 1979നും ഇടയിൽ ക്ലബിനായി 1,110 മത്സരങ്ങളിൽ നിന്ന് 708 ഗോളുകൾ നേടി.
ദേശീയ ചാന്പ്യൻഷിപ്പിൽ 190 ഗോളുകൾ നേടിയതിന്റെ റിക്കാർഡ് ഇപ്പോഴും ഡൈനാമിറ്റിന്റെ പേരിലാണ്.
ദേശീയ ടീമിൽ, 1978, 1982 ലോകകപ്പുകളിൽ കളിച്ച അദ്ദേഹം 38 മത്സരങ്ങളിൽ നിന്ന് 20 ഗോളുകൾ നേടി.
ബ്രസീലിയൻ ഫുട്ബോളർ റോബർട്ടോ ഡൈനാമിറ്റ് അന്തരിച്ചു
09:23 AM Jan 09, 2023 | Deepika.com