ന്യൂഡൽഹി: യുപി ഉൾപെടെയുള്ള ഉത്തരേന്ത്യൻ സംസ്ഥാനങ്ങളിലും ഭാരത് ജോഡോ യാത്രയ്ക്ക് മികച്ച പ്രതികരണമെന്ന് കോണ്ഗ്രസ് നേതാവ് രാഹുൽ ഗാന്ധി. കന്യാകുമാരിയിൽ ആരംഭിച്ച പദയാത്രയുടെ ലക്ഷ്യം രാജ്യത്തെ വർഗീയത, വിദ്വേഷം, തൊഴിലില്ലായ്മ, വിലക്കയറ്റം തുടങ്ങിയ പ്രശ്നങ്ങൾ പരിഹരിക്കുകയും രാജ്യത്തിന്റെ സ്വത്വം വീണ്ടെടുക്കുകയുമാണെന്ന് രാഹുൽ ഗാന്ധി പറഞ്ഞു.
മുതിർന്ന കോണ്ഗ്രസ് നേതാക്കളായ ജയ്റാം രമേശ്, ദിഗ്വിജയ് സിംഗ്, ഭൂപീന്ദർ സിംഗ് ഹൂഡ എന്നിവർക്കൊപ്പം ഹരിയാനയിലെ കർണാലിൽ സംസാരിക്കുകയായിരുന്നു രാഹുൽ ഗാന്ധി. ഭാരത് ജോഡോ യാത്രയ്ക്ക് കേരളം ഉൾപെടെയുള്ള ദക്ഷിണേന്ത്യൻ സംസ്ഥാനങ്ങളിൽ ലഭിച്ച പിന്തുണ ഉത്തരേന്ത്യയിൽ ലഭിക്കില്ലെന്ന് വിമർശിച്ചവർക്ക് തെറ്റിയെന്നും മധ്യപ്രദേശ്, രാജസ്ഥാൻ, യുപി, ഹരിയാന ഉൾപെടെയുള്ള സംസ്ഥാനങ്ങളിൽ യാത്രയ്ക്ക് മികച്ച പ്രതികരണമാണ് ലഭിച്ചതെന്നും രാഹുൽ ഗാന്ധി പറഞ്ഞു.
യാത്രയിൽ പങ്കെടുക്കുന്ന ഓരോ കോണ്ഗ്രസ് പ്രവർത്തകർക്കും ഭാരത് ജോഡോ യാത്ര ഒരു തപസ്യയാണെന്നും രാഹുൽ ഗാന്ധി പറഞ്ഞു.
ഉത്തരേന്ത്യൻ സംസ്ഥാനങ്ങളിലും ജോഡോ യാത്രയക്ക് മികച്ച പ്രതികരണം: രാഹുൽ
08:58 PM Jan 08, 2023 | Deepika.com