തിരുവനന്തപുരം: മനുസ്മൃതി മനോഭാവം ചെറുക്കുന്നതിനായി പോരാട്ടം വ്യാപിപ്പിക്കണമെന്ന് നര്ത്തകിയും മനുഷ്യാവകാശ പ്രവര്ത്തകയും കലാമണ്ഡലം കല്പ്പിത സര്വകലാശാല ചാന്സിലറുമായ മല്ലിക സാരാഭായി. അഖിലേന്ത്യാ ജനാധിപത്യ മഹിളാ അസോസിയേഷൻ ദേശീയ സമ്മേളനം ഉദ്ഘാടനം ചെയ്യുകയായിരുന്നു അവർ.
മനുസ്മൃതി ഇന്നും ലക്ഷക്കണക്കിന് ഇന്ത്യന് സ്ത്രീകളുടെ മനസുകളില് ജീവിക്കുന്നുണ്ട്. സ്ത്രീകളുടെ മനസ്ഥിതി മാറ്റുന്നത് വലിയ വെല്ലുവിളി ആണ്. ഈ 'മനുസ്മൃതി മനോഭാവം' ചെറുക്കുന്നതിനായി പോരാട്ടം വ്യാപിപ്പിക്കണം- അവർ പറഞ്ഞു.
വസുദൈവ കുടുംബകം എന്ന സങ്കല്പ്പം നമ്മുടെ നാട് മുന്നോട്ടുവയ്ക്കുന്നു. എന്നാല് സ്വന്തം മരുമകളെ പോലും തുല്യയായി കാണാന് കഴിയുന്നില്ലെങ്കില് ആ സങ്കല്പ്പത്തിന് എന്തർത്ഥം. ദാരിദ്രത്തില് നിന്നും അസമത്വത്തില് നിന്നും മുക്തമായ നീതിപൂര്വമായ ലോകമാണ് നമ്മള് സ്വപ്നം കാണുന്നത്. മറ്റുള്ളവരെ തുല്യരായി കാണുകയും മതനിരപേക്ഷത പരിപോഷിപ്പിക്കുകയും ചെയ്തില്ലെങ്കില് പുതിയ ലോകം സൃഷ്ടിക്കാനുള്ള ചാലകശേഷി നമുക്ക് കൈവരിക്കാനാവില്ലെന്നും അവര് പറഞ്ഞു.
മനുസ്മൃതി മനോഭാവം ചെറുക്കുന്നതിനായി പോരാട്ടം വ്യാപിപ്പിക്കണം: മല്ലിക സാരാഭായി
06:46 PM Jan 06, 2023 | Deepika.com