മെൽബൺ: ഓസ്ട്രേലിയൻ ഓപ്പൺ വിജയത്തിന് പിന്നാലെ വിരമിക്കൽ തീരുമാനം പ്രഖ്യാപിച്ച് ടെന്നീസ് ലോകത്തെ ഞെട്ടിച്ച ആഷ്ലി ബാർട്ടി അമ്മയാകാനൊരുങ്ങുന്നു. 2023 ജീവിതത്തിലെ ഏറ്റവും മികച്ച വർഷമായിരിക്കുമെന്ന് സൂചിപ്പിച്ച് കൊണ്ടുള്ള ഇന്സ്റ്റാഗ്രാം പോസ്റ്റിലൂടെയാണ്, ഗർഭിണിയാണെന്ന വിവരം ബാർട്ടി പങ്കുവെച്ചത്.
തന്റെ വളർത്തുനായ "ഒറിജി' മൂത്ത സഹോദരിയുടെ ചുമതല ഏറ്റെടുക്കാൻ തയാറാണെന്ന അടിക്കുറിപ്പോടെ കുട്ടി സ്പോർട്സ് ഷൂവിന്റെ ചിത്രം പോസ്റ്റ് ചെയ്താണ് ബാർട്ടി വിവരം പങ്കുവെച്ചത്.
2022 ജനുവരിയിൽ ഓസ്ട്രേലിയൻ ഓപ്പൺ നേടി ശേഷം ഭർത്താവ് ഗാരി കിസിക്കിനൊപ്പം മെൽബണിൽ വിശ്രമജീവിതം നയിക്കുകയാണ് 26-കാരിയായ ബാർട്ടി. 44 വർഷത്തിനിടെ ഓസ്ട്രേലിയൻ ഓപ്പൺ നേടിയ ഏക ഓസീസ് താരമാണ് ബാർട്ടി. ലോക ഒന്നാം നന്പർ താരമായിരിക്കെ 25-ാം വയസിലാണ് ബാർട്ടി പ്രഫഷണൽ ടെന്നീസിൽ നിന്ന് വിരമിച്ചത്.
കുഞ്ഞതിഥിയെ വരവേൽക്കാൻ ആഷ്ലി ബാർട്ടി
06:12 PM Jan 06, 2023 | Deepika.com