ചെന്നൈ: ബിജെപി തമിഴ്നാട് അധ്യക്ഷൻ കെ.അണ്ണാമലൈയ്ക്കെതിരെ കൂടുതൽ ആരോപണങ്ങളുമായി നടി ഗായത്രി രഘുറാം. ബിജെപിയില് നിന്നും രാജിവച്ചതിന് പിന്നാലെയാണ് അണ്ണാമലൈയ്ക്കെതിരെ ഗുരുതര ആരോപണങ്ങൾ ഗായത്രി ഉന്നയിക്കുന്നത്. അണ്ണാമലൈ വളരെ തരംതാഴ്ന്ന വ്യക്തിയാണെന്നും അദ്ദേഹത്തിന്റെ നേതൃത്വത്തിൽ സ്ത്രീകൾ സുരക്ഷിതരല്ലെന്നും അടക്കമുള്ള ഒരു നിര ആരോപണങ്ങൾ ഗായത്രി നടത്തിയിട്ടുണ്ട്.
അണ്ണാമലൈയ്ക്കെതിരെ പോലീസിൽ പരാതി കൊടുക്കുമെന്നും തെളിവായി ഓഡിയോ ക്ലിപ്പുകളും വീഡിയോകളും നൽകാമെന്നും ഗായത്രി അറിയിച്ചു. എന്നാൽ എന്താണ് ഇവയിൽ ഉള്ളതെന്ന് ഗായത്രി വ്യക്തമാക്കിയിട്ടില്ല.
തമിഴിലെ മുൻനിര നടിയും നൃത്തസംവിധായകയുമായ ഗായത്രി "നക്ഷത്രക്കണ്ണുള്ള രാജകുമാരൻ അവനുണ്ടൊരു രാജകുമാരി' എന്ന മലയാള ചിത്രത്തിലും നായികയായിരുന്നു.
"തെളിവുകൾ നൽകാം'; അണ്ണാമലൈയ്ക്കെതിരെ ഗുരുതര ആരോപണവുമായി ഗായത്രി
04:17 AM Jan 05, 2023 | Deepika.com