ലക്നോ: രാഹുല് ഗാന്ധി നയിക്കുന്ന ഭാരത് ജോഡോ യാത്രയെ പ്രശംസിച്ച് രാമജന്മഭൂമി ട്രസ്റ്റ് സെക്രട്ടറി ചമ്പത്ത് റായ്. രാഹുലിന്റെ യാത്ര പ്രശംസിക്കപ്പെടേണ്ടതാണ് ചമ്പത്ത് റായ് പറഞ്ഞു.
രാജ്യത്തിനുവേണ്ടി ഒരു ചെറുപ്പക്കാരന് നടക്കുന്നു. ആ ഉദ്യമത്തെ അഭിനന്ദിക്കുന്നെന്നും അതില് തെറ്റൊന്നുമില്ലെന്നും റായ് വ്യക്തമാക്കി.
താനൊരു ആര്എസ്എസ് പ്രവര്ത്തകനാണ്. ആര്എസ്എസ് ഒരിക്കലും ഈ യാത്രയെ വിലകുറച്ച് കണ്ടിട്ടില്ല. ഇത്രയും പ്രതികൂലമായ കാലാവസ്ഥയിലും അദ്ദേഹം യാത്ര തുടരുകയാണ്. അത് തീര്ച്ചയായും പ്രശംസിക്കപ്പേടേണ്ടതാണെന്നും റായ് കൂട്ടിചേര്ത്തു.
കഴിഞ്ഞ ദിവസം രാഹുലിനെ പ്രശംസിച്ച് രാമക്ഷേത്രത്തിലെ മുഖ്യപൂജാരി ആചാര്യ സത്യേന്ദ്ര ദാസ് രംഗത്തെത്തിയിരുന്നു. ശ്രീരാമന്റെ അനുഗ്രഹം നിങ്ങള്ക്ക് എപ്പോഴും ഉണ്ടാകണമെന്ന് ആഗ്രഹിക്കുന്നെന്നാണ് സത്യേന്ദ്ര ദാസ് രാഹുലിന് കത്തെഴുതിയത്.
ആര്എസ്എസ് ജോഡോ യാത്രയെ വിലകുറച്ച് കണ്ടിട്ടില്ല; പ്രശംസിച്ച് രാമജന്മഭൂമി ട്രസ്റ്റ് സെക്രട്ടറി
01:07 PM Jan 04, 2023 | Deepika.com