ഇടുക്കി: മുനിയറയിൽ വിനോദയാത്രാ സംഘത്തിന്റെ ബസ് കൊക്കയിലേക്ക് മറിഞ്ഞുണ്ടായ അപകടത്തിൽ വിദ്യാര്ഥി മരിച്ചു. ഒരു വിദ്യാർഥിക്ക് ഗുരുതരമായി പരിക്കേറ്റു. മലപ്പുറം സ്വദേശി മിൽഹാജാണ് മരിച്ചത്. വളാഞ്ചേരിയില്നിന്നുള്ള കോളജ് വിദ്യാര്ഥികള് സഞ്ചരിച്ച ബസാണ് അപകടത്തില്പ്പെട്ടത്.
വിദ്യാര്ഥികള് വാഗമണ് സന്ദര്ശിച്ച് മടങ്ങവെ പുലര്ച്ചെ ഇന്ന് 1.15-ഓടെയാണ് അപകടം. തിങ്കള്ക്കാട്ടെ കുത്തനെയുള്ള ഇറക്കത്തില് നിയന്ത്രണംവിട്ട ബസ് 70 അടിയോളം താഴ്ചയിലേക്ക് മറിഞ്ഞു.
നാട്ടുകാരും പോലീസും ചേര്ന്നാണ് വാഹനത്തില് ഉണ്ടായിരുന്നവരെ പുറത്തെടുത്തത്. 41 യാത്രക്കാര് വാഹനത്തിലുണ്ടായിരുന്നു. പരിക്കേറ്റവരെ അടിമാലി താലൂക്ക് ആശുപത്രിയിലും സ്വകാര്യ ആശുപത്രിയിലും പ്രവേശിപ്പിച്ചിരിക്കുകയാണ്.
ഗുരുതരമായി പരിക്കേറ്റ വിദ്യാര്ഥിയെ കോട്ടയം മെഡിക്കല് കോളേജിലേക്ക് മാറ്റിയിട്ടുണ്ട്. ബസിനടിയില്പ്പെട്ടാണ് മിന്ഹാജ് മരിച്ചത്.
അടിമാലിയിൽ ടൂറിസ്റ്റ് ബസ് കൊക്കയിലേക്ക് മറിഞ്ഞ സംഭവം: പരിക്കേറ്റ വിദ്യാർഥി മരിച്ചു
08:01 AM Jan 01, 2023 | Deepika.com