കോട്ടയം: മാണി സി. കാപ്പൻ എംഎൽഎയുടെ ഡ്രൈവർ രാഹുൽ ജോബിയുടെ മരണത്തിനിടയാക്കിയ അപകടത്തിൽ ഞെട്ടിക്കുന്ന വെളിപ്പെടുത്തലുമായി പോലീസ്. രാഹുൽ സഞ്ചരിച്ച സ്വകാര്യ കാറിൽ നിന്ന് 0.5 മില്ലിഗ്രാം എംഡിഎംഎ കണ്ടെത്തിയതായി പോലീസ് അറിയിച്ചു.
ഇന്ന് പുലർച്ചെയാണ് രാഹുലും സുഹൃത്തുക്കളും സഞ്ചരിച്ച കാർ ഏറ്റുമാനൂർ പട്ടിത്താനം ബൈപ്പാസിൽ വച്ച് അപകടത്തിൽപ്പെട്ടത്. രാഹുൽ സഞ്ചരിച്ചിരുന്ന കാറിൽ പിക്കപ്പ് വാൻ ഇടിക്കുകയായിരുന്നു. പരിക്കേറ്റ രാഹുലിനെ കോട്ടയം മെഡിക്കൽ കോളജിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. രാഹുലിനൊപ്പമുണ്ടായിരുന്ന മറ്റു രണ്ടു പേർ ചികിത്സയിലാണ്.
രാസലഹരി കണ്ടെത്തിയതോടെ ഇതിനെപ്പറ്റി അന്വേഷിക്കാൻ പ്രത്യേക കേസ് രജിസ്റ്റർ ചെയ്തതായി പോലീസ് അറിയിച്ചു.
മാണി സി. കാപ്പന്റെ ഡ്രൈവറുടെ മരണം; കാറിൽ എംഡിഎംഎ കണ്ടെത്തി
10:17 PM Dec 24, 2022 | Deepika.com