തിരുവനന്തപുരം: എസ്എഫ്ഐ മുൻ ജില്ലാ സെക്രട്ടറി അഭിജിത്തിന്റെ പ്രായത്തട്ടിപ്പിന് കൂട്ട് നിന്നെന്ന് ആരോപിച്ച് സിപിഎം ജില്ലാ സെക്രട്ടറി ആനാവൂർ നാഗപ്പനെതിരെ പരാതിയുമായി യൂത്ത് കോൺഗ്രസ്.
സർട്ടിഫിക്കറ്റ് തിരുത്താൻ നാഗപ്പൻ സഹായം ചെയ്തുവെന്ന അഭിജിത്തിന്റെ വെളിപ്പെടുത്തൽ ചൂണ്ടിക്കാട്ടിയാണ് സിറ്റി പോലീസ് കമ്മീഷണർക്ക് യൂത്ത് കോൺഗ്രസ് പരാതി നൽകിയത്.
എസ്എഫ്ഐ നേതൃത്വത്തിൽ തുടരാൻ പ്രായം കുറച്ചു പറയാൻ ആനാവൂർ നാഗപ്പൻ ഉപദേശം നൽകിയെന്ന് മുൻ ജില്ലാ സെക്രട്ടറി ജെ.ജെ. അഭിജിത്താണ് വെളിപ്പെടുത്തിയത്.
"പല പ്രായം കാണിക്കുന്ന സർട്ടിഫിക്കറ്റുകൾ തനിക്കുണ്ട്. പ്രായം കുറച്ചുപറയാൻ ഉപദേശിച്ചത് സിപിഎം ജില്ലാ സെക്രട്ടറിയാണ്. ആര് ചോദിച്ചാലും പ്രായം 26 ആയെന്ന് പറയാൻ നാഗപ്പൻ സഖാവ് പറഞ്ഞു'. സംഘടനയിൽ തന്നെ വെട്ടിനിരത്താൻ ആളില്ലെന്നും അഭിജിത്തിന്റെ ശബ്ദരേഖയിൽ പറഞ്ഞിരുന്നു.
പ്രായത്തട്ടിപ്പ് ശബ്ദരേഖ: ആനാവൂരിനെതിരെ കേസെടുക്കണമെന്ന് യൂത്ത് കോൺഗ്രസ്
08:11 PM Dec 24, 2022 | Deepika.com