കോട്ടയം: സംവിധായകൻ ജൂഡ് ആന്റണിയെക്കുറിച്ചുള്ള വിവാദ പരാമർശത്തിൽ ഖേദം പ്രകടിപ്പിച്ച് നടൻ മമ്മൂട്ടി. പരാമർശം ചിലരെ അലോസരപ്പെടുത്തിയതിൽ ഖേദം പ്രകടിപ്പിക്കുന്നതായി മമ്മൂട്ടി പറഞ്ഞു.
ഇത്തരം സംഭവങ്ങൾ ആവർത്തിക്കില്ലെന്നും നടൻ ഫേസ്ബുക്കിൽ പറഞ്ഞു. ജൂഡിന് തലമുടിയില്ലെങ്കിലും നല്ല ബുദ്ധിയാണെന്നായിരുന്നു മമ്മൂട്ടിയുടെ പരാമർശം.
കഴിഞ്ഞ ദിവസം "2018' എന്ന സിനിമയുടെ ട്രൈലർ ലോഞ്ചിനോട് അനുബന്ധിച്ചു നടന്ന ചടങ്ങിലായിരുന്നു സംഭവം. ജൂഡ് ആന്റണിയെ പ്രകീർത്തിക്കുന്ന ആവേശത്തിലാണ് വിവാദ പരാമർശം ഉണ്ടായതെന്നും മമ്മൂട്ടി പറയുന്നു.
ഖേദം പ്രകടിപ്പിക്കുന്നതോടൊപ്പം ഇങ്ങനെയുള്ള പ്രയോഗങ്ങൾ ആവർത്തിക്കാതിരിക്കുവാൻ മേലിൽ ശ്രദ്ധിക്കുമെന്ന് ഉറപ്പു തരുന്നതായും നടൻ എഫ്ബിയിൽ കുറിച്ചു.
ഇനിയില്ല; വിവാദ പരാമർശത്തിൽ ഖേദം പ്രകടിപ്പിച്ച് മമ്മൂട്ടി
07:43 PM Dec 14, 2022 | Deepika.com