30 സെക്കന്ഡോളം സമയം തുടര്ന്ന് സംസാരിക്കാന് കഴിയാത്തവണ്ണം അദ്ദേഹം വികാരാധീനനായി. പിന്നീട് ഇടറിയ ശബ്ദത്തോടെയാണ് അദ്ദേഹം പ്രാര്ഥന മുഴുമിപ്പിച്ചത്.
പ്രാര്ഥന പൂര്ത്തിയാക്കാനാകാതെ വന്ന ഘട്ടത്തില് റോം മേയര് റോബര്ട്ടോ ഗ്വാള്ട്ടിയേരി ഉള്പ്പെടെ ചുറ്റും കൂടി നിന്നവര് കൈയടിക്കുന്നതായും ദൃശ്യങ്ങളില് കാണാം.
വളരെ വലിയ പ്രയാസമാണ് യുക്രെയ്ന് ജനത നേരിടുന്നത്. മനുഷ്യരാശിയുടെ വലിയ പരാജയമാണതെന്നും വികാരാധീനനായി കാണപ്പെട്ടതിനെക്കുറിച്ചുള്ള മാധ്യമങ്ങളുടെ ചോദ്യത്തോട് പാപ്പ പ്രതികരിച്ചു.
റഷ്യ യുക്രെയ്നില് നടത്തുന്ന അക്രമത്തെ നേരത്തെ പല തവണ പാപ്പ വിമര്ശിച്ചിരുന്നു. നിരവധി പേരെ നിഷ്കരുണം കൊന്നുകളഞ്ഞ നാസി ക്രൂരതകളോടാണ് കഴിഞ്ഞ ദിവസം റഷ്യന് യുദ്ധത്തെ പാപ്പ ഉപമിച്ചത്.