മാഹി: ഷോട്ട്പുട്ട് തലയിൽ വീണ് വിദ്യാർഥിക്ക് ഗുരുതര പരിക്ക്. പള്ളൂർ കസ്തൂർബാഗാന്ധി ഹൈസ്കൂളിലെ ഒൻപതാം ക്ലാസ് വിദ്യാർഥി സൂര്യകിരണി(14)നാണു പരിക്കേറ്റത്. വൈകുന്നേരം 3.30നായിരുന്നു സംഭവം.
ഷോട്ട്പുട്ട് മത്സരത്തിൽ പങ്കെടുക്കുന്ന വിദ്യാർഥികളുടെ ക്ഷമത പരിശോധിക്കുന്നതിനിടെയായിരുന്നു അപകടം. മറ്റൊരു വിദ്യാർഥിയെറിഞ്ഞ നാലു കിലോ ഭാരമുള്ള ഷോട്ട്പുട്ട് അബദ്ധത്തിൽ സൂര്യകിരണിന്റെ തലയിൽ വീഴുകയായിരുന്നു. തലശേരിയിലെ സ്വകാര്യ ആശുപത്രിയിലും തുടർന്ന് കോഴിക്കോട് സ്വകാര്യ ആശുപത്രിയിലും പ്രവേശിപ്പിച്ച വിദ്യാർഥി തീവ്രപരിചരണ വിഭാഗത്തിൽ ചികിത്സയിലാണ്.
ഷോട്ട്പുട്ട് തലയിൽ വീണ് വിദ്യാർഥിക്ക് ഗുരുതര പരിക്ക്
09:41 PM Dec 06, 2022 | Deepika.com