തിരുവനന്തപുരം: വിഴിഞ്ഞം പ്രശ്നത്തിന്റെ പരിഹാരത്തിലേക്ക് എത്തുകയാണെന്ന് സീറോ മലബാര് സഭ അധ്യക്ഷന് കര്ദിനാള് മാര് ജോര്ജ് ആലഞ്ചേരി. ഇന്ന് മുതല് ആരംഭിക്കുന്ന കെസിബിസി യോഗം വിഷയം ചര്ച്ച ചെയ്യും.
സര്ക്കാര് അദാനിയുമായി കരാറിലേര്പ്പെട്ടിട്ടുള്ളത് കൊണ്ട് നിര്മാണപ്രവര്ത്തനങ്ങള് തുടരേണ്ടതുണ്ട്. തുറമുഖം വേണ്ട എന്ന നിലപാടല്ല സമരക്കാര്ക്കുള്ളത്. എന്നാല് സമരക്കാരുടെ ന്യായമായ ആവശ്യങ്ങള് അംഗീകരിക്കപ്പെടണം. പ്രശ്നപരിഹാരത്തിലേയ്ക്കെത്തേണ്ട സമയം അതിക്രമിച്ചു കഴിഞ്ഞു.
മത്സ്യത്തൊഴിലാളികളുടെ ആശങ്ക പരിഹരിച്ച് വിഷയം സമവായത്തിലെത്തുമെന്നാണ് പ്രതീക്ഷയെന്നും അദ്ദേഹം പറഞ്ഞു. വിഴിഞ്ഞത്തേത് സഭാ വിശ്വാസികളുടെ മാത്രം പ്രശ്നമല്ല, പൊതുപ്രശ്നമാണെന്നും കര്ദിനാള് വ്യക്തമാക്കി.
കെസിബിസി സമ്മേളനത്തിലെ പ്രധാന അജണ്ട വിഴിഞ്ഞം വിഷയമാണെന്നും അദ്ദേഹം കൂട്ടിച്ചേർത്തു.
വിഴിഞ്ഞത്തേത് പൊതുപ്രശ്നം, കെസിബിസി ചര്ച്ച ചെയ്യും: മാര് ജോര്ജ് ആലഞ്ചേരി
12:25 PM Dec 05, 2022 | Deepika.com