തിരുവനന്തപുരം: സംസ്ഥാന സ്കൂൾ കായികമേളയിൽ അഖില രാജുവിന് ഇരട്ട സ്വർണം. സീനിയർ പെൺകുട്ടികളുടെ ഷോട്ട്പുട്ടിലും ഡിസ്കസ് ത്രോയിലുമാണ് അഖില ഒന്നാം സ്ഥാനം നേടിയത്. കാസർഗോഡ് ചീമേനി ഹയർ സെക്കൻഡറി സ്കൂൾ വിദ്യാർഥിനിയാണ്.
മേഘയും അനുരാഗും സ്കൂൾ കായികമേളയുടെ വേഗതാരങ്ങളായി. സീനിയർ വിഭാഗം 100 മീറ്റർ ആണ്കുട്ടികളിൽ തിരുവന്തപുരം ജി.വി. രാജാ സ്കൂളിലെ സി.വി. അനുരാഗ് 10.90 സെക്കൻഡിൽ ഫിനിഷ് ചെയ്തപ്പോൾ, പെണ്കുട്ടികളിൽ പാലക്കാട് പുളിയാപറന്പ് ഹൈസ്കൂളിലെ എസ്. മേഘ 2.23 സെക്കൻഡിൽ ഓടിയെത്തിയാണ് മീറ്റിലെ മിന്നും താരങ്ങളായത്.
സീനിയർ ആണ്കുട്ടികളിൽ മലപ്പുറം കടകശേരി ഐഡിയൽ സ്കൂളിലെ പി. മുഹമ്മദ് ഷാൻ (10.91) വെള്ളിയും ആലപ്പുഴ ലിയോ തേർട്ടീനിലെ ആഷ്ലിൻ അലക്സാണ്ടർ (10.94) വെങ്കലവും നേടി. പാലക്കാട് പറളിയിലെ വി. നേഹ 12.35 സെക്കൻഡിൽ ഫിനിഷ് ചെയ്ത് സീനിയർ പെണ്കുട്ടികളുടെ 100 മീറ്ററിൽ വെള്ളിയും മലപ്പുറം ഐഡിയൽ സ്കൂളിലെ സി. അനുഗ്രഹ (12.88) വെങ്കലവും നേടി.
സ്കൂൾ കായികമേള: അഖില രാജുവിന് ഇരട്ട സ്വർണം, മേഘയും അനുരാഗും വേഗതാരങ്ങൾ
07:45 PM Dec 04, 2022 | Deepika.com