തൊടുപുഴ: കാഞ്ഞാറില് മദ്യപാനത്തിനിടെയുണ്ടായ തര്ക്കത്തിനിടെ ഒരാള് കുത്തേറ്റ് മരിച്ചു. ഞാളിയാനി സ്വദേശി സാം ജോസഫാണ് മരിച്ചത്.
ശനിയാഴ്ച രാത്രിയാണ് സംഭവം. സുഹൃത്തുക്കളായ നാലു പേര് ചേര്ന്ന് മദ്യപിക്കുന്നതിനിടെയുണ്ടായ തര്ക്കമാണ് കൊലപാതകത്തില് കലാശിച്ചത്.
ഇവരില് ഒരാള് സാമിന്റെ കഴുത്തില് റബര് വെട്ടുന്ന കത്തി ഉപയോഗിച്ച് കുത്തുകയായിരുന്നു. ഇയാളെ ഉടനെ തന്നെ തൊടുപുഴയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
സംഭവത്തിൽ സാമിന്റെ മൂന്ന് സുഹൃത്തുക്കളെ പോലീസ് കസ്റ്റഡിയിലെടുത്തു. കൊലപാതകത്തിന് പിന്നില് മറ്റെന്തെങ്കിലും കാരണമുണ്ടോയെന്നും പോലീസ് അന്വേഷിക്കും.
തൊടുപുഴയില് മദ്യപാനത്തിനിടെ തര്ക്കം; ഒരാള് കുത്തേറ്റ് മരിച്ചു
09:48 AM Dec 04, 2022 | Deepika.com