മഥുര: ഉത്തർപ്രദേശിൽ പ്രായപൂർത്തിയാകാത്ത ദളിത് പെൺകുട്ടിയെ കൂട്ടമാനഭംഗപ്പെടുത്തി കൊലപ്പെടുത്തി. 14 വയസുള്ള പെൺകുട്ടിയെയാണ് കൂട്ടമാനഭംഗപ്പെടുത്തി കൊലപ്പെടുത്തിയത്. മഥുര ജില്ലയിലെ മഹാവൻ പോലീസ് സ്റ്റേഷൻ പരിധിയിലായിരുന്നു സംഭവം.
വെള്ളിയാഴ്ച രാത്രി 8.30 ന് ഒമ്പത് വയസുള്ള സഹോദരിയുമായി വീടിന് സമീപമുള്ള വനമേഖലയിലേക്ക് പോയതായിരുന്നു പെൺകുട്ടി. ഈ സമയം ഗ്രാമത്തിലെ മൂന്ന് പേർ പെൺകുട്ടിയെ പിടികൂടി കൂട്ടബലാത്സംഗം ചെയ്തു. പിന്നീട് കഴുത്ത് ഞെരിച്ച് കൊലപ്പെടുത്തുകയായിരുന്നുവെന്ന് പോലീസ് പറഞ്ഞു.
അവിടെനിന്നും രക്ഷപ്പെട്ട സഹോദരി ഇക്കാര്യം വീട്ടിലെത്തി അറിയിച്ചു. ഇതോടെ ബന്ധുക്കൾ പെൺകുട്ടിയെ തേടി ഇറങ്ങി. സംഭവസ്ഥലത്തുവച്ച് അക്രമികൾ രണ്ട് പേരെ നാട്ടുകാർ പിടികൂടി. ഒരാൾ ഓടി രക്ഷപെടുകയും ചെയ്തു.
യുപിയിൽ ദളിത് പെൺകുട്ടിയെ കൂട്ടമാനഭംഗപ്പെടുത്തി കൊലപ്പെടുത്തി
09:24 PM Dec 03, 2022 | Deepika.com