ജയ്പൂര്: രാജസ്ഥാനില് ഗുണ്ടാസംഘങ്ങള് തമ്മിലുണ്ടായ ഏറ്റുമുട്ടലില് കുപ്രസിദ്ധ അധോലോകനേതാവ് രാജു തെത്ത് ഉള്പ്പെടെ രണ്ട് പേര് മരിച്ചു. വഴിപോക്കനായ താരാചന്ദ് ജാട്ട് എന്നയാളും വെടിവയ്പ്പില് കൊല്ലപ്പെട്ടു.
സംഭവം നടന്നതിനു തൊട്ടടുത്ത് താമസിക്കുന്ന മകളെ കാണാന് വന്നപ്പോഴാണ് ജാട്ടിനു വെടിയേറ്റത്. ഇന്ന് രാവിലെ 9.30ന് സികാര് നഗരത്തിലെ പിപ്പാലി റോഡിലാണ് സംഭവം.
നാലു പേര് ചേര്ന്ന് വെടിയുതിര്ത്തശേഷം രക്ഷപെടുകയായിരുന്നു. ഒരാള് ആകാശത്തേയ്ക്ക് വെടിയുതിര്ത്ത് പരിഭ്രാന്തി പരത്തിയെന്നും ദൃക്സാക്ഷികള് പറഞ്ഞു.
സംഭവത്തിനു തൊട്ടുപിന്നാലെ ലോറന്സ് ബിഷ്ണോയി സംഘത്തിലുള്ളതെന്ന് സ്വയം പരിചയപ്പെടുത്തിയ രോഹിത് ഗൊഡാര കൊലപാതകത്തിന്റെ ഉത്തരവാദിത്വം ഏറ്റെടുത്ത് രംഗത്തുവന്നിട്ടുണ്ട്.
ആനന്ദ്പാല് സംഘത്തിലെ ബല്ബീര് ബനൂഡ കൊല്ലപ്പെട്ടതിന്റെ പകയാണ് സംഭവത്തിനു പിന്നിലെന്ന് ഇയാള് സമൂഹമാധ്യമങ്ങളിലൂടെ വെളിപ്പെടുത്തി.
2014ല് ബികാനെറിലെ ജയിലിനുള്ളില് വച്ച് അധോലോകസംഘങ്ങള് തമ്മിലുള്ള ഏറ്റുമുട്ടലിലാണ് ബനൂഡ കൊല്ലപ്പെട്ടത്.
രാജസ്ഥാനില് ഗുണ്ടാസംഘങ്ങള് തമ്മില് ഏറ്റുമുട്ടല്; രണ്ട് പേര് കൊല്ലപ്പെട്ടു
03:34 PM Dec 03, 2022 | Deepika.com