ദോഹ: വെയിൽസിനെ പരാജയപ്പെടുത്തി ഗ്രൂപ്പ് ബിയിൽ നിന്ന് പ്രീക്വാർട്ടറിൽ കടന്ന് ഇംഗ്ലണ്ട്. എതിരില്ലാത്ത മൂന്ന് ഗോളുകൾക്കായിരുന്നു ഇംഗ്ലീഷ് പടയുടെ ആധികാരിക വിജയം.
മത്സരത്തിന്റെ തുടക്കം മുതൽ ഇംഗ്ലണ്ട് ആധിപത്യമായിരുന്നു മൈതാനത്ത്. മികച്ച നീക്കങ്ങൾ നടത്തിയെങ്കിലും ഇംഗ്ലണ്ടിന് ആദ്യപകുതിയിൽ ഗോളടിക്കാൻ കഴിഞ്ഞില്ല. എന്നാൽ രണ്ടാം പകുതിയുടെ തുടക്കത്തിൽ തന്നെ രണ്ട് ഗോളുകൾ നേടി ഇംഗ്ലീഷ് നിര മത്സരം വരുതിയിലാക്കി.
50ാം മിനിറ്റിൽ കിട്ടിയ ഫ്രീകിക്ക് വലയിൽ എത്തിച്ച റാഷ്ഫോർഡാണ് ഇംഗ്ലണ്ടിന്റെ ആദ്യ ഗോൾ നേടിയത്. അടുത്ത മിനിറ്റിൽ ഹാരി കെയിന്റെ പാസ് പോസ്റ്റിൽ എത്തിച്ച് ഫിൽ ഫോഡ്ൻ ഇംഗ്ലണ്ടിന്റെ ലീഡ് വർധിപ്പിച്ചു. 68ാം മിനിറ്റിൽ വീണ്ടും ഗോൾ നേടി റാഷ്ഫോർഡ് വെയിൽസിന്റെ അവസാന പ്രതീക്ഷയും തകർത്തു.
വെയിൽസിനെ തകർത്ത് ഇംഗ്ലണ്ട് പ്രീക്വാർട്ടറിൽ
02:59 AM Nov 30, 2022 | Deepika.com