തിരുവനന്തപുരം: വിഴിഞ്ഞം സീപോർട്ട് ലിമിറ്റഡ് നടത്തുന്ന സെമിനാറിൽ നിന്ന് മുഖ്യമന്ത്രി പിണറായി വിജയൻ പിന്മാറി. രാവിലെ പത്തിന് മാസ്കറ്റ് ഹോട്ടലിൽ ആരംഭിക്കുന്ന ചടങ്ങിൽ മുഖ്യമന്ത്രി പങ്കെടുക്കില്ലെന്ന് സെമിനാർ ആരംഭിക്കുന്നതിന് ഒരു മണിക്കൂർ മുന്പ് മാത്രമാണ് അറിയിപ്പ് ലഭിച്ചത്.
സെമിനാറിന്റെ ഉദ്ഘാടനം മുഖ്യമന്ത്രി നിർവഹിക്കുമെന്നാണ് നേരത്തെ പ്രഖ്യാപിച്ചിരുന്നത്. എന്നാൽ തുറമുഖ നിർമാണവുമായി ബന്ധപ്പെട്ട വിവാദങ്ങൾ രൂക്ഷമായ സാഹചര്യത്തിൽ ചടങ്ങിൽ പങ്കെടുക്കേണ്ടെന്ന് തീരുമാനിക്കുകയായിരുന്നു.
ക്ഷണം ലഭിച്ചിട്ടില്ലാത്തതിനാൽ സെമിനാറിൽ പങ്കെടുക്കില്ലെന്ന് ശശി തരൂർ എംപിയും അറിയിച്ചിട്ടുണ്ട്.
മുഖ്യമന്ത്രി വിഴിഞ്ഞത്തേക്കില്ല; സെമിനാറിൽ നിന്ന് പിന്മാറി
10:11 AM Nov 29, 2022 | Deepika.com