കൊച്ചി: ശശി തരൂർ എംപിയുമായി ഭിന്നതയില്ലെന്ന് പ്രതിപക്ഷ നേതാവ് വി.ഡി. സതീശൻ. മാധ്യമങ്ങൾ സൃഷ്ടിച്ച കഥയിലെ വില്ലനായിരുന്നുതാനെന്നും അദ്ദേഹം പറഞ്ഞു. പ്രഫണൽസ് കോൺഗ്രസ് സംസ്ഥാന സമ്മേളനത്തോടനുബന്ധിച്ച ലീഡേഴ്സ് ഫോറത്തിൽ സംസാരിക്കുകയായിരുന്നു അദ്ദേഹം.
കഥ മെനയുമ്പോൾ നായകൻ മാത്രം പോരല്ലോ, വില്ലനും വേണമല്ലോ. ഈ കഥയിൽ താനായിരുന്നു വില്ലൻ. പരാതിയില്ല- സതീശൻ പറഞ്ഞു. തരൂരിനോട് തനിക്ക് അസൂയയുണ്ട്. തനിക്കില്ലാത്ത കഴിവുകൾ ഉള്ള ആളാണ് തരൂർ. അതിൽ അസൂയയുണ്ട്.
തിരുവനന്തപുരത്തെ പരിപാടിയിൽ തരൂരുമായി സംസാരിച്ചില്ലെന്നത് മാധ്യമ സൃഷ്ടിമാത്രമാണ്. തിരുവനന്തപുരത്തും കണ്ണൂരും തങ്ങൾ മുഖാമുഖം സംസാരിച്ചു. കാമറയ്ക്കു മുന്നിൽ അഭിനയിക്കാൻ കാപട്യക്കാരനല്ലെന്നും സതീശൻ കൂട്ടിച്ചേർത്തു.
തരൂരുമായി ഭിന്നതയില്ല: വിവാദം തണുപ്പിച്ച് സതീശൻ
06:38 PM Nov 27, 2022 | Deepika.com