കോട്ടയം: ശശി തരൂര് യുഡിഎഫിന്റെ പ്രമുഖ നേതാവാണെന്നും അദ്ദേഹത്തിന് അതിന്റെ സ്വീകാര്യതയുണ്ടെന്നും മോൻസ് ജോസഫ് എംഎൽഎ. തരൂരിന്റെ കോട്ടയത്തെ സന്ദർശനത്തിൽ അസ്വഭാവികമായി ഒന്നുമില്ലെന്നും തരൂർ യൂഡിഎഫിന്റെ പ്രമുഖ നേതാവാണെന്നും മോൻസ് മനസ് തുറന്നു.
തരൂരിനോട് ജനങ്ങൾക്ക് സ്നേഹമുണ്ട്. അദ്ദേഹം കോട്ടയത്ത് എത്തുന്നത് പോസിറ്റിവായ കാര്യമാണ്. അനാവശ്യ വിവാദമുണ്ടാക്കേണ്ട കാര്യമില്ല. യുഡിഎഫിനെ വി.ഡി. സതീശൻ നല്ലരീതിയിൽ നയിക്കുന്നുണ്ടെന്നും തരൂർ കൂട്ടിച്ചേർത്തു.
സാധാരണയിൽ നിന്നും വ്യത്യസ്തമായി ഒറ്റക്കെട്ടായിട്ടാണ് യുഡിഎഫ് മുന്നോട്ട് പോകുന്നത്. ആ ഐക്യം നിലനിര്ത്തിയാൽ യുഡിഎഫിന് തിരിച്ചു വരാനാകും. ആ ഐക്യത്തിന് ദോഷം വരുന്നത് ആരും ചെയ്യരുതെന്നും മോൻസ് പറഞ്ഞു.
തരൂരിനെ പിന്തുണച്ച് ജോസഫ് വിഭാഗം; പുകഴ്ത്തി മോൻസ്
01:31 PM Nov 24, 2022 | Deepika.com