ദോഹ: ഗ്രൂപ്പ് സിയിലെ മെക്സിക്കോ-പോളണ്ട് മത്സരം ഗോള്രഹിത സമനിലയിൽ കലാശിച്ചു. 55-ാം മിനിറ്റിൽ ലഭിച്ച പെനാൽറ്റി റോബർട്ട് ലെവന്ഡോവ്സ്കി നഷ്ടപ്പെടുത്തിയത് പോളണ്ടിന് കനത്ത തിരിച്ചടിയായി. ഗോളി ഗ്വില്ലെർമൊ ഒച്ചാവോയുടെ മാസ്മരിക സേവാണ് മെക്സിക്കോയെ രക്ഷപ്പെടുത്തിയത്.
ഗോൾ പിറന്നിലെങ്കിലും ആക്രമണവും പ്രത്യാക്രമണവും മത്സരത്തിൽ ഉടനീളം ഇരുടീമിലും പ്രകടമായിരുന്നു. മെക്സിക്കോ 4-3-3 ശൈലിയിലും പോളണ്ട് 4-5-1 ശൈലിയിലുമാണ് കളത്തിലിറങ്ങിയത്.
നേരത്തെ, ഗ്രൂപ്പ് ഡിയിലെ ഡെന്മാർക്ക്-ടുണീഷ്യ പോരാട്ടവും സമനിലയിൽ പിരിഞ്ഞു. മത്സരത്തിലുടനീളം ഇരുടീമുകളും മിന്നും പ്രകടനമാണ് കാഴ്ചവച്ചത് എങ്കിലും ഇരുവർക്കും ഗോളടിക്കാനായില്ല.
ഇഞ്ചോടിഞ്ച്; മെക്സിക്കോ-പോളണ്ട് പോരാട്ടം സമനിലയിൽ
01:44 AM Nov 23, 2022 | Deepika.com