ന്യൂഡൽഹി: മുൻ എംപിയും ഡൽഹിയിലെ മുതിർന്ന കോൺഗ്രസ് നേതാവുമായ മഹാബൽ മിശ്ര ആം ആദ്മി പാർട്ടിയിൽ അംഗത്വമെടുത്തു. ഡൽഹി മുഖ്യമന്ത്രി അരവിന്ദ് കേജരിവാളിന്റെ സാന്നിധ്യത്തിലാണ് മിശ്ര ആപ്പിൽ ചേരാനുള്ള തീരുമാനം പ്രഖ്യാപിച്ചത്.
ഡൽഹി മുനിസിപ്പൽ കോർപ്പറേഷൻ(എംസിഡി) തെരഞ്ഞെടുപ്പിന് മുന്നോടിയായുള്ള രാഷ്ട്രീയ നീക്കങ്ങളുടെ ഭാഗമായിയാണ് മിശ്രയുടെ കൂടുമാറ്റം. പൂർവാഞ്ചലി സമുദായത്തിൽ സ്വാധീനമുള്ള മിശ്രയുടെ സാന്നിധ്യം തെരഞ്ഞെടുപ്പിൽ ഗുണം ചെയ്യുമെന്ന് ആപ്പ് പ്രതീക്ഷിക്കുന്നു.
ദ്വാരക മണ്ഡലത്തിൽ നിന്നുള്ള ആം ആദ്മി എംഎൽഎയായ മകൻ വിനയ് മിശ്രയ്ക്കൊപ്പമാണ് മഹാബൽ മിശ്ര ചടങ്ങിനെത്തിയത്.
ആപ്പിനൊപ്പം നടക്കാൻ കോൺഗ്രസ് നേതാവ് മഹാബൽ മിശ്ര
03:10 PM Nov 20, 2022 | Deepika.com