ജമ്മു: ജമ്മു കാഷ്മീരിലെ അനന്തനാഗ് ജില്ലയിലുണ്ടായ ഏറ്റുമുട്ടലിൽ സുരക്ഷാസേന ഭീകരനെ വധിച്ചു. ലഷ്കർ ഇ തൊയ്ബ ഭീകരൻ സജ്ജാത് താന്ത്രേയാണ് കൊല്ലപ്പെട്ടത്. ബിജ്ബെഹറയിലെ ചെക്കി ഡൂഡൂ മേഖലയിലാണ് സംഭവം.
മേഖലയിൽ ഭീകരരുടെ സാന്നിധ്യമുണ്ടെന്ന രഹസ്യ വിവരത്തെ തുടർന്ന് സുരക്ഷാസേന തെരച്ചിൽ നടത്തവെ ഭീകരർ വെടിയുതിർക്കുകയായിരുന്നു. സുരക്ഷാസേന നടത്തിയ ശക്തമായ പ്രത്യാക്രമണത്തിലാണ് ഭീകരൻ കൊല്ലപ്പെട്ടത്.
അനന്തനാഗിൽ ഏറ്റുമുട്ടൽ: ലഷ്കർ ഭീകരനെ വധിച്ചു
03:09 PM Nov 20, 2022 | Deepika.com