വിശാഖപട്ടണം: വിശാഖപട്ടണത്ത് കോളജ് വിദ്യാര്ഥികളെ ഒഴുക്കിൽപ്പെട്ട് കടലില് കാണാതായി. ഭീമിലി ബീച്ചില് ഇന്ന് രാവിലെയാണ് സംഭവം. സായി, സൂര്യ എന്നീ വിദ്യാർഥികളെയാണ് കാണാതായത്.
കോളജിലെത്താന് വൈകിയതിനെ തുടര്ന്നാണ് ഏഴ് വിദ്യാര്ഥികളുടെ സംഘം ഭീമിലി ബീച്ചില് പോയത്. ഇവരില് നാലുപേര് കടലില് കുളിക്കാനിറങ്ങി.
കുളിക്കുന്നതിനിടെ സൂര്യ എന്ന വിദ്യാര്ഥിയെ കാണാവുകയായിരുന്നു. സൂര്യയെ കണ്ടെത്താന് സായി എന്ന വിദ്യാര്ഥി കടലിലേക്ക് ഇറങ്ങി.
എന്നാല് പിന്നീട് സായിയെയും കടലില് കാണാതായി. ഭയന്നുപോയ ബാക്കി വിദ്യാര്ഥികള് ഉടന് തന്നെ പോലീസില് വിവരം അറിയിച്ചു.
ഉടൻ തന്നെ ഐഎൻഎസ് കലിംഗ കപ്പലിലെ ഇന്ത്യൻ നാവിക സേനാംഗങ്ങൾ സ്ഥലത്തെത്തി കാണാതായ വിദ്യാർഥികൾക്കായി തെരച്ചിൽ ആരംഭിച്ചു. എന്നാൽ ഇവരെ ഇതുവരെയും കണ്ടെത്താനായിട്ടില്ല.
വിശാഖപട്ടണത്ത് വിദ്യാർഥികളെ കടലിൽ കാണാതായി
07:38 AM Nov 19, 2022 | Deepika.com